प्रतिनिधि सभा सदस्य निर्वाचनको मतगणनामा कास्कीका तीनवटै क्षेत्रमा राष्ट्रिय स्वतन्त्र पार्टी (रास्वपा) का उम्मेदवारले फराकिलो अग्रता बनाएका छन्।
कास्की–१ मा अहिलेसम्म १९,६१३ मत गणना भइसकेको छ। यसमा रास्वपा उम्मेदवार गनेस पौडेलले ८,१३५ मत पाएका छन्। नेकपा एमालेका बैनबहादुर अधिकारी क्षेत्रीले ४,८३९ मत पाएका छन् भने नेपाली कांग्रेसका तिलक रानाभाटले ४,३६४ मत पाएका छन्।
कास्की–२ मा रास्वपा उम्मेदवार उत्तम पौडेलले १९,७१७ मत पाएका छन् र अग्रता कायम राखेका छन्। एमालेकी रश्मी आचार्यले ५,४९१ मत पाएकी छन् भने नेपाली कांग्रेसका माधव बाँस्तोलाले ३,१३२ मत पाएका छन्।
कास्की–३ मा रास्वपा उम्मेदवार बिना गुरुङले २१,१०१ मत पाएकी छन् र फराकिलो अग्रता कायम राखेकी छिन्। यसै क्षेत्रमा नेपाली कांग्रेसका मनोज गुरुङले ८,९२४ मत पाएका छन् भने नेकपा एमालेका दामोदर पौडेलले ४,७८७ मत पाएका छन्।
कास्की–३ मा कुल १,०७,५६० मतदाता रहेकोमा अहिलेसम्म ६५,४०७ मत खसेको छ।
मतगणना जारी छ र अन्तिम नतिजा आउन बाँकी छ।
