निर्वाचन आयोग ले प्रतिनिधिसभा सदस्य निर्वाचनअन्तर्गत समानुपातिक प्रणालीतर्फको मतगणना अन्तिम चरणमा पुगेको जनाएको छ। केही क्षेत्रको मात्र मतगणना बाँकी रहेकाले बुधबार (आज) बिहानसम्म सबै परिणाम प्राप्त हुने आयोगले जनाएको हो।
यही फागुन २१ गते सम्पन्न प्रतिनिधिसभा सदस्य निर्वाचनअन्तर्गत समानुपातिक प्रणालीतर्फ सङ्खुवासभा, धनुषा निर्वाचन क्षेत्र नं. १, गोरखा निर्वाचन क्षेत्र नं. १ र २ लगायत केही क्षेत्रको मतगणना मात्र बाँकी रहेको आयोगले जनाएको छ।
आयोगका सहायक प्रवक्ता कुलबहादुर जिसी का अनुसार ती क्षेत्रमा अहिले पनि मतगणना जारी रहेकाले बुधबार बिहानसम्म सबै क्षेत्रको मत परिणाम सार्वजनिक गर्ने तयारी गरिएको छ।
आयोगका अनुसार समानुपातिकतर्फ हालसम्म एक करोड छ लाख ५९ हजार ८५४ मतगणना भइसकेको छ।
यसअघि भने पहिलो हुने निर्वाचित हुने प्रणालीतर्फको मतगणना पूरा भइसकेको आयोगले जनाएको छ।
