राष्ट्रिय स्वतन्त्र पार्टी (रास्वपा) ले आज बिहान १० बजे सचिवालय बैठक बस्ने भएको छ।
प्रतिनिधि सभा निर्वाचनअघि बालेन्द्र साह (बालेन)लाई प्रधानमन्त्रीका रूपमा अघि सारेको रास्वपाले आजको बैठकमा यसबारे निर्णय गर्ने बताइएको छ। शनिबार बस्ने भनिएको बैठक आइतबार बिहानका लागि सारिएको हो।
पार्टी कार्यालय वनस्थलीमा बस्ने बैठकमा समानुपातिक उम्मेदवार सिफारिस र वरिष्ठ नेता बालेन शाहलाई संसदीय दलको नेता बनाउने विषयमा छलफल हुने जनाइएको छ।
समानुपातिकतर्फ पार्टीले ५७ सिट प्राप्त गरेको छ। २ सय ७५ सदस्यीय प्रतिनिधि सभामा रास्वपाको कुल १ सय ८२ सिट पुग्ने, जसले झण्डै दुई तिहाइ नजिकको बहुमत बनाउने बताइएको छ।
बैठकपछि रास्वपाले समानुपातिकतर्फका सांसदहरूको सूची आजै निर्वाचन आयोगमा बुझाउने तयारी गरेको छ।
