राष्ट्रिय स्वतन्त्र पार्टी (रास्वपा) को सचिवालय बैठक स्थगित गरिएको छ। शनिबार बस्ने तय भएको बैठक अब आइतबारका लागि सारिएको पार्टीले जनाएको छ।
पार्टीका प्रवक्ता मनिष झाले सूचना जारी गर्दै शनिबारका लागि तय गरिएको सचिवालय बैठक आइतबार बिहानका लागि तय गरिएको जानकारी दिएका छन्।
उनका अनुसार सभापति रवि लामिछानेको निर्देशानुसार सचिवालय बैठक आइतबार बिहान १० बजे बस्नेछ। बैठक वनस्थलीस्थित पार्टी कार्यालयमा आयोजना गरिनेछ।
प्रवक्ता झाले बैठकका लागि प्रतिनिधिसभा सदस्य निर्वाचनअन्तर्गत समानुपातिकतर्फ उम्मेदवार सिफारिस गर्ने एजेन्डा तय गरिएको जानकारी दिएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
