राष्ट्रिय स्वतन्त्र पार्टी (रास्वपा) को सचिवालय बैठक आज पार्टी केन्द्रीय कार्यालय घन्टीघरमा सुरू भएको छ। बैठक समानुपातिक सांसदको नाम छनोटका लागि बसाइएको हो।
आजको बैठकमा सभापति रवि लामिछाने स्वास्थ्य अवस्थाका कारण कार्यालय आउन नसकेकाले ‘भर्चुअल’ रूपमा सहभागी भएका छन्। उनी केही दिनदेखि लगातार ज्वरोले पीडित रहेको जनाइएको छ र घरमै बसेर राजनीतिक भेटघाट गरिरहेका छन्।
सभापति लामिछानेलाई अनुमति लिएर उपसभापति डीपी अर्यालले बैठक सुरु गरेका हुन्। बैठकमा अर्का उपसभापति डा. स्वर्णिम वाग्ले, महामन्त्री कविन्द्र बुर्लाकोटी, सहमहामन्त्री विपीन आचार्य र अन्य सचिवालय सदस्यहरूको उपस्थिति रहेको छ। वरिष्ठ नेता बालेन्द्र साह भने बैठकमा उपस्थित भएका छैनन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
