सर्वोच्च अदालतकी वरिष्ठतम न्यायाधीश सपना प्रधान मल्लले आजदेखि कायममुकायम (कामु) प्रधानन्यायाधीशको जिम्मेवारी सम्हालेकी छन्।
प्रधानन्यायाधीश प्रकाशमान सिंह राउत ६५ वर्षे उमेरहदका कारण अवकाशमा गएपछि उक्त पद रिक्त भएको थियो। सोहीअनुसार संवैधानिक व्यवस्थाबमोजिम वरिष्ठतम न्यायाधीश मल्लले कामु प्रधानन्यायाधीशको जिम्मेवारी पाएकी हुन्।
नेपालको संविधानले प्रधानन्यायाधीशको पद रिक्त भएको अवस्थामा सर्वोच्च अदालतका वरिष्ठतम न्यायाधीशले स्वतः कामु प्रधानन्यायाधीशको जिम्मेवारी सम्हाल्ने व्यवस्था गरेको छ।
यद्यपि स्थायी प्रधानन्यायाधीश नियुक्तिका लागि आवश्यक प्रक्रिया भने अझै बाँकी रहेको छ। संवैधानिक परिषद् पूर्ण हुन बाँकी रहेकाले नयाँ प्रधानन्यायाधीश नियुक्ति केही समय लाग्ने देखिएको छ।
संसद् सञ्चालन, संसदीय सुनुवाइ तथा राष्ट्रपतिबाट नियुक्तिपछि मात्रै स्थायी प्रधानन्यायाधीशको टुंगो लाग्नेछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
