राष्ट्रिय स्वतन्त्र पार्टी (रास्वपा) का सभापति रवि लामिछानेले प्रतिनिधिसभाको रोस्ट्रमबाट दलित समुदायसँग माफी मागेका छन्।
बिहीबार बसेको प्रतिनिधिसभाको पहिलो बैठकमा सम्बोधन गर्दै उनले सदियौँदेखि हुँदै आएको अन्याय र विभेदका लागि हात जोडेर माफी मागेका हुन्।
सम्बोधनका क्रममा उनले खगेन्द्र सुनारको प्रसंग उठाउँदै प्रश्न गरे, “गल्ती भयो कि भएन भनेर अन्योल हुँदा खगेन्द्र सुनारले माफी मागे, तर सदियौँदेखि अन्याय हुँदा हामीले माफी माग्यौँ ?”
उनले सरकारका तर्फबाट पनि दलित समुदायसँग सार्वजनिक रूपमा माफी मागे। “यो सरकार शताब्दियौँदेखि भएको विभेद, अन्याय र अत्याचारका लागि यो सदनबाट सामूहिक माफी माग्छ,” उनले भने।
लामिछानेले दलित समुदायले भोग्दै आएको विभेदलाई केवल अन्याय मात्र नभई संगठित अपराधको रूपमा व्याख्या गरे। साथै, उनले अब कुनै पनि नेपालीले जातका आधारमा अपमानित महसुस गर्न नपर्ने वातावरण बनाउनुपर्ने बताए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
