श्रम संस्कृति पार्टीका अध्यक्ष हर्क साम्पाङले बिना कारण उडान ढिलो गर्ने एयरलाइन्स कम्पनीहरूलाई कारवाही गर्न माग गरेका छन्।
शुक्रबार प्रतिनिधिसभाको बैठकमा बोल्दै उनले नेपालमा एयरलाइन्स कम्पनीहरूले बारम्बार उडान ढिलो गर्ने गरेको भन्दै यसप्रति गम्भीर ध्यानाकर्षण गराएका हुन्।
साम्पाङले संस्कृति, पर्यटन तथा नागरिक उड्डयन मन्त्रीलाई सम्बोधन गर्दै बिना कारण ‘फ्लाइट डिले’ गर्ने कम्पनीहरूलाई जरिवाना लगाउने व्यवस्था गर्नुपर्ने बताएका छन्।
उनले भने, ‘जहिल्यै पनि फ्लाइट ढिलो हुन्छ। बिना कारण फ्लाइट डिले गर्ने कम्पनीलाई फाइन गर्नुपर्ने माग गर्न चाहन्छु।’
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
