पूर्वप्रधानमन्त्री एवं नेकपा एमाले अध्यक्ष केपी शर्मा ओलीको पित्तथैलीसम्बन्धी शल्यक्रिया सफलतापूर्वक सम्पन्न भएको छ।

महाराजगञ्जस्थित त्रिवि शिक्षण अस्पतालमा केहीबेरअघि उनको शल्यक्रिया सम्पन्न भएको हो।

ओली सचिवालयका अनुसार शल्यक्रिया सफल भएको र चिकित्सक टोलीले आवश्यक प्रक्रिया पूरा गरिसकेको छ।

अस्पतालमा आज बिहान उनलाई अपरेसन थिएटरमा लगिएको थियो। त्यसपछि चिकित्सकहरूको टोलीले पित्तथैलीमा रहेको पत्थरी निकाल्ने शल्यक्रिया गरेको थियो।

सचिवालयले शल्यक्रिया सफल भएको जानकारी दिएको भए पनि उनको स्वास्थ्य अवस्थाबारे थप विवरण भने सार्वजनिक गरिएको छैन।