काठमाडौं उपत्यकामा ट्राफिक प्रहरीले पछिल्लो २४ घण्टामा ३ हजार ५०१ जना सवारी चालकलाई कारबाही गरेको छ।

उपत्यका ट्राफिक प्रहरी कार्यालयका अनुसार विभिन्न ट्राफिक नियम उल्लंघन गर्ने चालकहरूलाई मंगलबार बिहानसम्म कारबाही गरिएको हो।

कारबाहीमा मादक पदार्थ सेवन (मापसे) गर्ने ७७, सवारी चलाउन अयोग्य अवस्थामा रहेका ६९, रातो बत्ती उल्लंघन गर्ने १५८, तीव्र गतिमा सवारी चलाउने ८९ जना रहेका छन्।

यस्तै, लेन उल्लंघन गर्ने १७२, सवारीको ढोका खुला राख्ने ५७, नो हर्न नियम उल्लंघन गर्ने ७७ तथा ओराल्ने–चढाउने क्रममा गल्ती गर्ने ५५ जना चालक पनि कारबाहीमा परेका छन्।

अन्य विभिन्न कारणले २ हजार ७४७ जना चालकलाई कारबाही गरिएको ट्राफिक प्रहरीले जनाएको छ।

उपत्यका ट्राफिक प्रहरी कार्यालयका प्रवक्ता एवं प्रहरी उपरीक्षक नरेशराज सुवेदीका अनुसार यस अवधिमा कारबाहीबाट २५ लाख १५ हजार रुपैयाँ राजस्व संकलन भएको छ।