नेपाल धितोपत्र बोर्डको अध्यक्ष सिफारिसका लागि सरकारद्वारा समिति गठन गरिएको छ।
मंगलबार बसेको मन्त्रिपरिषद्को बैठकले राष्ट्रिय योजना आयोगका उपाध्यक्ष डा. गुणाकर भट्टको नेतृत्वमा तीन सदस्यीय समिति बनाउने निर्णय गरेको हो।
समितिमा अर्थ मन्त्रालयका सचिव घनश्याम उपाध्याय र भुवनकुमार दाहाल सदस्यका रूपमा रहेका छन्।
धितोपत्र बोर्डका तत्कालीन अध्यक्ष सन्तोषनारायण श्रेष्ठले पदबाट राजीनामा दिएपछि रिक्त रहेको पद पूर्तिका लागि उक्त समिति गठन गरिएको हो। उनले नयाँ सरकारलाई सहयोग गर्ने भन्दै पद त्याग गरेका थिए।
यसैबीच, मन्त्रिपरिषद्ले समस्याग्रस्त सहकारी व्यवस्थापन समितिको अध्यक्षमा डिल्लीराज आचार्यलाई नियुक्त गर्ने निर्णय पनि गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
