नेपाली कांग्रेस संसदीय दलका नेता भीष्मराज आङ्देम्बे र राष्ट्रपति रामचन्द्र पौडेलबीच शनिबार भेटवार्ता भएको छ।

शीतल निवासमा भएको उक्त भेट करिब एक घण्टा चलेको बताइएको छ। भेटका क्रममा समसामयिक राजनीतिक विषयमा संवाद भएको आङ्देम्बेको सचिवालयले जनाएको छ।

भेटवार्तामा पछिल्ला राजनीतिक गतिविधि, विशेषगरी अध्यादेशसम्बन्धी विषयमा छलफल केन्द्रित भएको जनाइएको छ।

आङ्देम्बेले अध्यादेशका सन्दर्भमा विपक्षी दलहरूको धारणा राष्ट्रपतिसमक्ष राखेका थिए।

भेटलाई वर्तमान राजनीतिक परिस्थितिका विषयमा छलफल गर्ने सन्दर्भका रूपमा हेरिएको छ।