सरकारले प्रत्यायोजन नियमावली २०८३ स्वीकृत गर्ने निर्णय गरेको छ। मंगलबार बसेको मन्त्रिपरिषद् बैठकले उक्त नियमावली स्वीकृत गरेको सरकारका प्रवक्ता सस्मित पोखरेलले जानकारी दिएका छन्।
बैठकले सैनिक सेवा छैटौँ संशोधन नियमावली २०८३ पनि स्वीकृत गर्ने निर्णय गरेको छ। साथै नेपाल राष्ट्र बैंक ऐन २०५८ संशोधन गर्न बनेको विधेयक संघीय संसद्मा पेश गर्न स्वीकृति दिने निर्णय समेत भएको प्रवक्ता पोखरेलले बताए।
यसैगरी मन्त्रिपरिषद्ले नेपाल सरकार कार्यसञ्चालन नियमावली २०८३ अनुसार राजपत्रअंकित विशिष्ट श्रेणीका सचिवहरूको दरबन्दी मिलान तथा पदस्थापन गर्ने निर्णय पनि गरेको छ।
बैठकले स्वीजरल्यान्ड र चीनबाट प्राप्त हुने अनुदान स्वीकार गर्ने निर्णय गरेको छ।
त्यस्तै, काठमाडौंबाट विस्थापित सुकुमबासीलाई पुनर्स्थापना खर्च उपलब्ध गराउने निर्णय पनि मन्त्रिपरिषद् बैठकले गरेको सरकारका प्रवक्ताले जानकारी दिएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
