सर्वोच्च अदालतका लागि नवनियुक्त तीन न्यायाधीशले आज पद तथा गोपनीयताको शपथ ग्रहण गरेका छन्।
प्रधानन्यायाधीश प्रकाशमानसिंह राउतले सर्वोच्च अदालत परिसरमा आयोजित विशेष समारोहमा न्यायाधीश मेघराज पोखरेल, श्रीकान्त पौडेल र शान्तिसिंह थापालाई शपथ ग्रहण गराएका हुन्।
न्याय परिषद्को सिफारिसमा संसदीय सुनुवाइ समितिबाट अनुमोदन प्राप्त गरेपछि राष्ट्रपति रामचन्द्र पौडेलले सोमबार उनीहरुलाई सर्वोच्च अदालतको न्यायाधीशमा नियुक्त गरेका थिए।
शपथ ग्रहणपछि तीनै न्यायाधीशले मंगलबारदेखि आफ्नो कार्यभार सम्हालेका छन्।
यसै क्रममा प्रधानन्यायाधीश राउतले नवनियुक्त न्याय परिषद् सदस्य महेशकुमार नेपाललाई पनि पद तथा गोपनीयताको शपथ गराएका छन्।
न्याय परिषद्का अध्यक्षको हैसियतले प्रधानन्यायाधीशले सदस्य नेपाललाई शपथ गराएका हुन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
