नेकपा एमालेले राजनीतिक सहकार्यको ढोका बन्द गरेपछि बामदेव गौतम नेतृत्वको नेकपा एकता राष्ट्रिय अभियान अब नेकपा (एकीकृत समाजवादी) मा समाहित हुने भएको छ।
आज राष्ट्रिय सभागृहमा विशेष कार्यक्रम गरी दुई समूहबीच औपचारिक रुपमा एकता घोषणा गरिनेछ। कार्यक्रममा नेकपा एसका अध्यक्ष माधवकुमार नेपाल, वरिष्ठ नेता झलनाथ खनाल, र अभियान संयोजक बामदेव गौतमले सम्बोधन गर्ने तयारी छ।
दुई समूहबीचको एकता प्रक्रिया यसअघि नै औपचारिक चरणमा पुगेको हो। नेताहरू नेपाल र गौतमले एकता सहमति पत्रमा हस्ताक्षर गरिसकेका छन्।
बामदेव गौतमले एमालेसँग पुनःएकताको प्रयास असफल भएपछि ‘वामपन्थी एकता’ को उद्देश्यसहित छुट्टै अभियान थालेका थिए। तर पछिल्ला राजनीतिक समीकरणले उनको नेतृत्वमा रहेको अभियानलाई नेकपा एसमा गाभिनु नै उपयुक्त देखिएको हो।
नेताहरूका अनुसार आजको कार्यक्रममा आगामी संयुक्त कार्ययोजना र सांगठनिक पुनःसंरचनाबारे पनि सार्वजनिक घोषणा गरिनेछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
