सिरियामा दशकभन्दा लामो गृहयुद्धले पुर्याएको विध्वंसपछिको पुनर्निर्माणका लागि साउदी अरेबियाले ठूलो आर्थिक सहयोगको प्रतिबद्धता जनाएको छ। साउदी अरेबियाले सिरियाको पुनर्निर्माणका लागि ६.४ अर्ब अमेरिकी डलर प्रदान गर्ने घोषणा गरेको छ, जुन हालसम्म कुनै एक देशबाट गरिएको सबैभन्दा ठूलो सहयोगमध्ये एक हो।
सन् २०११ मा सुरु भएको सिरियाको गृहयुद्धले लाखौँ मानिसको ज्यान लिएको छ। प्रारम्भमा शान्तिपूर्ण विरोधबाट सुरु भएको आन्दोलन हिंसात्मक द्वन्द्वमा रूपान्तरण हुँदै गएपछि देशका प्रमुख सहरहरूमा विनाश आयो। युद्धको कारण ५ लाखभन्दा बढी मानिसको मृत्यु भएको छ भने करिब आधा जनसंख्या विस्थापित बन्न बाध्य भएको छ—कसैको शरण स्वदेशमै त कसैको विदेश पलायन।
युद्धका कारण लाखौँ नागरिक आधारभूत सेवा जस्तै खानेपानी, बत्ती, स्वास्थ्य सेवा र विद्यालय—बाट वञ्चित भएका छन्। अहिले केही क्षेत्रहरूमा शान्ति फर्किए पनि पुनर्निर्माण चुनौतीपूर्ण र खर्चिलो कार्य बनेको छ।
यसै सन्दर्भमा साउदी अरेबियाले सिरियाको पुनर्निर्माणमा अग्रसर भूमिका निर्वाह गर्ने निर्णय गरेको हो। साउदीले प्रतिवद्ध गरेको ६.४ अर्ब डलरको सहायता स्वास्थ्य, शिक्षा, पूर्वाधार, सडक, अस्पताल, घर पुनर्निर्माण, खानेपानी तथा अन्य सेवा प्रणालीको पुनर्स्थापनामा खर्च गरिनेछ।
सिरियाली जनताले आधारभूत सेवा पुनः प्राप्त गर्न सकून् भन्ने उद्देश्यले विभिन्न विकास परियोजनाहरू सञ्चालन गरिने साउदी अधिकारीहरूले जनाएका छन्। विशेष गरी बालबालिका, महिला र विस्थापित परिवारहरूलाई लक्षित गरी शिक्षा र स्वास्थ्य क्षेत्रमा दीर्घकालीन सुधार ल्याउने योजना बनाइएको छ।
सिरियाको पुनर्निर्माण कार्य सफल बनाउन साउदी अरेबिया, सिरियाली सरकार र स्थानीय समुदायबीच नजिकको सहकार्य आवश्यक रहनेछ। प्रारम्भमा सबै पक्षबीच आपसी विश्वास कायम गर्नु, प्राथमिक आवश्यकता पहिचान गर्नु र साझा लक्ष्य बनाउनु महत्वपूर्ण छ।
विशेष गरी सबभन्दा बढी क्षति पुगेका क्षेत्रहरू वा विस्थापितको संख्याले प्रभावित भएका ठाउँमा पुनर्निर्माण प्राथमिकतामा राखिनेछ। साउदी अरेबियाको यो पहलले युद्धपछिको सिरियालाई पुनः जीवन दिन सक्ने आशा गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
