लगातारको वर्षापछि नारायाघाट–बुटवल सडक खण्ड अन्तर्गत दाउन्ने क्षेत्रमा पहिरो खस्दा सडक पूर्णरूपमा अवरुद्ध भएको छ।
विनयी त्रिवेणी गाउँपालिका–२ स्थित विश्वकर्मा मन्दिर नजिकै खसेको पहिरोका कारण सडक बन्द भएको जिल्ला प्रहरी कार्यालयका सूचना अधिकारी प्रहरी नायब उपरीक्षक मधु नेपालले जानकारी दिएका छन्।
नेपालका अनुसार बिहानदेखि पानी परेर सडक चिप्लो भएका कारण गाडी एकतर्फी रूपमा सञ्चालन भइरहे पनि दिउँसोदेखि पहिरो खस्दा दुबै तर्फका सवारी आवागमन पूर्णरूपमा रोकिएको हो।
यो सडक खण्डमा पानी पर्दा गाडी चिप्लिने, र पहिरो खस्ने समस्या पटक–पटक देखिँदै आएको छ। अहिले बाटो अवरुद्ध भएपछि गाडीहरूको लामो जाम लागिएको छ, यात्रुहरू बीचमा अलपत्र परेका छन्।
प्रहरी र सडक डिभिजनको टोली पहिरो हटाउने प्रयासमा जुटेको छ। सडक खुल्न अझै केही समय लाग्ने अनुमान गरिएको छ। स्थानीय प्रशासनले यात्रुहरूलाई वैकल्पिक मार्ग प्रयोग गर्न आग्रह गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
