सङ्घीय संसद् प्रतिनिधिसभाको बैठक आज अपराह्न १ बजे नयाँ बानेश्वरस्थित सङ्घीय संसद् भवनमा बस्दैछ। आजको कार्यसूचीमा सञ्चार तथा सूचना प्रविधि, परराष्ट्र, उद्योग–वाणिज्य तथा आपूर्ति, स्वास्थ्य तथा जनसङ्ख्या, र ऊर्जा–जलस्रोत तथा सिँचाइ मन्त्रालयसम्बन्धी मौखिक प्रश्नोत्तर समावेश छ।
सञ्चार तथा सूचना प्रविधिमन्त्री पृथ्वीसुब्बा गुरुङले ‘सूचना प्रविधि तथा साइबर सुरक्षा विधेयक, २०८२’ माथि विचार गरियोस् भन्ने प्रस्ताव बैठकमा पेश गर्नेछन्।
यससँगै अर्थ समिति, कानुन–न्याय तथा मानव अधिकार समिति, कृषि–सहकारी तथा प्राकृतिक स्रोत समिति, सार्वजनिक नीति तथा प्रत्यायोजित विधायन समिति, र सङ्घीयता सबलीकरण तथा राष्ट्रिय सरोकार समितिका बैठक पनि आज बस्नेछन्।
अर्थ समितिमा ‘वैकल्पिक विकास वित्त परिचालन सम्बन्धमा व्यवस्था गर्न बनेको विधेयक’ माथि दफावार छलफल हुनेछ। कानुन समितिमा कैलाली कारागारमा साउन २३ गते भएको घटनाबारे गृहमन्त्रीसँग छलफल गर्नेछ। कृषि समितिमा ‘भूमिसम्बन्धी केही नेपाल ऐनलाई संशोधन गर्न बनेको विधेयक, २०८२’ बारे छलफल हुनेछ।
त्यस्तै, सङ्घीयता सबलीकरण तथा राष्ट्रिय सरोकार समितिमा महालेखापरीक्षकको ६२औँ प्रतिवेदनमा समेटिएका मुख्य बुँदाबारे छलफल हुने कार्यक्रम छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
