काठमाडौं महानगरपालिकाको नगर प्रहरीले मनोहरास्थित सुकुम्बासी बस्तीमा डोजर चलाएर अवैध संरचना भत्काएको छ। शुक्रबार नगर प्रहरी प्रमुख राजु पाण्डेसहितको टोलीले घर, टहरा र अन्य संरचना भत्काउने क्रममा स्थानीयसंग तनाव पैदा भयो।
डोजर चलेपछि सुकुम्बासीहरूले नगर प्रहरी र नेपाल प्रहरीमाथि ढुंगामुढा प्रहार गरेका थिए। घटनास्थलमा काठमाडौं र भक्तपुरको सीमामा पर्ने मनोहरा खोला किनारको बस्ती रहेको छ, जहाँ अवैध रूपमा नयाँ घर निर्माण भइरहेको थियो।
व्यक्तिगत जग्गामा बनेका संरचना हटाउन महानगरले ७ दिनको समय दिएको भए पनि नयाँ संरचना थप बनाइएपछि शुक्रबार डोजर सञ्चालन गरिएको हो।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
