राष्ट्रिय स्वतन्त्र पार्टी (रास्वपा) का सभापति रवि लामिछानेको पक्षमा ३४ लाखले हस्ताक्षर गरेका छन् भने ६५ लाख रुपैयाँ सहयोग संकलन भएको छ।
पार्टी प्रवक्ता मनिष झाका अनुसार , “सभापति लामिछानेमाथि गरिएको राजनीतिक प्रतिशोध विरुद्ध हस्ताक्षर संकलन अभियान जारी छ। आजसम्म देशभरबाट ३४ लाख हस्ताक्षर र ६५ लाख सहयोग संकलन भएको छ।”
हस्ताक्षर संकलन अभियान पश्चिमदेखि पूर्वी नेपालसम्मको देश यात्रा गर्दै जारी रहेको बताइएको छ। विशेषत, अभियान सुदूरपश्चिमको कञ्चनपुरबाट पनि सुरु भइसकेको छ। अभियानको नेतृत्व पार्टी सचिवालय सदस्य दीपक बोहरा गर्दै छन्।
रास्वपाले सभापति लामिछानेविरुद्ध राजनीतिक प्रतिशोध राखेको भन्दै असार ७ गतेदेखि यो अभियान सुरु भएको हो। अभियानमार्फत पार्टीले नागरिकहरूको समर्थन संकलन गर्दै लामिछानेको पक्षलाई बलियो बनाउने योजना रहेको जनाएको छ।
प्रतिक्रिया
सम्बन्धित खवर
