नेपालमा पछिल्ला दिन धर्मप्रचारको आरोपमा विदेशी नागरिकहरू पक्राउ परेका छन्। गत साता चार जना इन्डोनेशियालीलाई नियन्त्रणमा लिएको अध्यागमन विभागले सोमबार एक अमेरिकी नागरिकलाई पनि पक्राउ गरेको पुष्टि गरेको छ।
विभागका प्रवक्ता टीकाराम ढकालका अनुसार ती अमेरिकीले ललितपुरको भैसेँपाटीस्थित सानो खोकनामा बालगृह सञ्चालन गर्दै ३० जना बालबालिकामाझ इसाई धर्म प्रचार गर्दै आएको पाइएको छ। साथै उनले प्रकाशन गृह दर्ता गरेर पनि धार्मिक गतिविधि बढाएको र सार्वजनिक स्थलहरूमा समेत धर्मप्रचार गरेको प्रमाण भेटिएको विभागले जनाएको छ।
नेपाल प्रवेशमा उनले पर्यटक भिसा प्रयोग गरेको र पछि अध्ययन तथा व्यापार भिसामा रहँदै आएको पाइएको छ। तर भिसाको उद्देश्य विपरीत धर्मप्रचारमा संलग्न भएको आरोपमा विभागले छानबिन टोली गठन गरेर कारबाही अघि बढाउने तयारी गरेको छ।
यसअघि अध्यागमनले इन्डोनेशियाली नागरिकलाई ललितपुरस्थित छात्रावासमार्फत गैरकानुनी ढंगले इस्लाम धर्म र टर्किश भाषा अध्यापन गरेको अभियोगमा पक्राउ गरी अनुसन्धान गरेको थियो। ती गतिविधि टर्की र बेलायतमा रहेको संस्थाबाट आर्थिक सहयोग लिएर भएको विभागले जनाएको छ।
नेपालको संविधानले धर्म अभ्यासको स्वतन्त्रता दिए पनि अरूको धर्म परिवर्तन गराउने वा खलल पुर्याउने काम कानुनतः दण्डनीय मानिन्छ। अध्यागमन कानुनअनुसार, यस्तो गतिविधिमा संलग्न विदेशी नागरिकलाई जरिवाना र निष्कासन दुवै सजाय दिन सकिन्छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
