अर्थमन्त्री विष्णु पौडेलले वर्तमान सरकारलाई संसदीय अंक गणित भित्र सबैभन्दा बलियो र स्थिर सरकार भएको दाबी गरेका छन्। आइतबार काठमाडौंमा आयोजित ट्रेकिंग एजेन्सिज एसोसिएसन अफ नेपाल (टान) को ४७औं वार्षिक साधारणसभामा उनले यस्तो बताएका हुन्।
उनले वर्तमान सरकार ठूला दुई दलको इतिहास, योगदान र भविष्यको साझेदारीमा बनेको हुनाले यो सहकार्य आगामी २०८४ को निर्वाचनसम्म कायम रहने दाबी पनि गरे। “अहिलेको सरकारले राजनीतिक स्थिरताको सुनिश्चित गरेको छ, अब फेरि सरकार कहिले बदलिन्छ भन्ने आशंका र द्विविधाबाट निस्केका छौं,” उनले भने।
अर्थमन्त्री पौडेलले पर्यटन प्रवद्र्धनमा सरकारको ध्यान केन्द्रित रहेको जानकारी दिँदै सबै नीति, कार्यक्रम र बजेटमार्फत आवश्यक कदम चालिने बताए। “पर्यटन प्रवद्र्धनको लागि सरकारले कुनै कसर बाँकी राख्दैन, गर्ने सबै काम गर्छ,” उनले भने। उनले व्यवसाय प्रवद्र्धनका लागि ट्याक्स छुटको सट्टा प्रभावकारी प्रस्ताव सरकारमा पेश गर्न सुझाव पनि दिएका छन्।
उनको भनाइ अनुसार, पर्यटन क्षेत्र सरकारका प्राथमिकतामध्ये एक हो र यसलाई प्रवद्र्धन गर्न आवश्यक सबै पहल गरिनेछ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
