आज देशभर साधारणतया बदली रहने पूर्वानुमान गरिएको छ। जल तथा मौसम पूर्वानुमान महाशाखाका अनुसार मनसुनको न्यून चापीय रेखा सरदर स्थानभन्दा दक्षिणतिर रहेकाले मध्यम वर्षाको सम्भावना बढेको हो।
बागमती, गण्डकी र लुम्बिनी प्रदेशका पहाडी भूभागका केही स्थानमा र तराईका एक–दुई स्थानमा मध्यम वर्षा हुनसक्ने पूर्वानुमान गरिएको छ। मधेस प्रदेशका केही स्थान र लुम्बिनीको तराई क्षेत्रमा हावाहुरी समेत चल्ने सम्भावना महाशाखाले जनाएको छ।
वर्षाका कारण साना–ठूला नदी, नाला र खोलामा पानीको सतह बढ्न सक्ने चेतावनी दिँदै महाशाखाले यातायात क्षेत्रमा असर पर्न सक्ने बताएको छ। साथै सर्वसाधारणलाई सतर्क रहन र आवश्यक पूर्वतयारी गर्न आग्रह गरिएको छ।
