जल तथा मौसम पूर्वानुमान महाशाखाले आज देशभर सामान्यतया बदली हुने र विभिन्न प्रदेशका पहाडी तथा तराई भूभागका केही स्थानमा वर्षा हुने जनाएको छ।
महाशाखाका अनुसार लुम्बिनी र सुदूरपश्चिम प्रदेशका साथै पहाडी भूभाग र तराईका केही स्थानमा मध्यम वर्षा हुने सम्भावना छ। त्यसैगरी, आज राति पनि देशभर बदली रहनेछ भने कोशी, वाग्मती, गण्डकी र सुदूरपश्चिम प्रदेशका केही भागमा मध्यम वर्षा हुने देखिएको छ।
कोशी, वाग्मती र गण्डकी प्रदेशका पहाडी क्षेत्रमा भने एक–दुई स्थानमा भारी वर्षा हुने सम्भावना रहेको महाशाखाले जनाएको छ।
वर्षाका कारण पहिरो तथा गेग्रान बहाव (डेब्रिज फ्लो) को जोखिम बढ्न सक्ने, साना तथा ठूला नदीनालाको पानीको सतह उच्च हुनसक्ने र यातायात प्रभावित हुन सक्ने भन्दै महाशाखाले सर्वसाधारणलाई सतर्क रहन आग्रह गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
