नेपालमा सामाजिक सञ्जाल प्रतिबन्ध लगाएको केही दिनमै सत्ता गठबन्धनका शीर्ष नेताहरू नै फेसबुकमा सक्रिय देखिएका छन् । प्रतिबन्ध लागू गर्ने कार्यमा अगुवाइ गरेको ओली नेतृत्वको सरकारकै सचिवालयका सदस्यदेखि सत्तारुढ दल नेपाली कांग्रेसका सभापति तथा पूर्व प्रधानमन्त्री शेरबहादुर देउवासम्म फेसबुकमा निरन्तर पोस्ट गरिरहेका छन् ।
देउवाले सुनसरीको भोक्राहा नरसिंह गाउँपालिकामा आयोजित नेपाल उराँव संघको स्थापना दिवस तथा करम पूजा कार्यक्रममा सहभागिता जनाएपछि तस्बिरसहित फेसबुकमा पोस्ट गरेका छन् ।
सबैभन्दा ध्यान खिच्ने प्रतिक्रिया भने काठमाडौं महानगरपालिकाका मेयर बालेन्द्र (बालेन) साहको हो । उनले कटाक्ष गर्दै लेखेका छन्,
“यो पोस्ट कुन भीपीएनबाट हो, नेपाली हो कि विदेशी? सारै गाह्रो हुने रहेछ भीपीएनबाट चलाउन त !!”
सामाजिक सञ्जाल प्रतिबन्धपछि आम नागरिकलाई भीपीएन प्रयोग गर्न कठिनाइ भइरहेको बेला सरकारमै रहेका नेताहरू स्वयंले प्रतिबन्धित प्लेटफर्ममै सक्रिय देखिनुले आलोचना झन् चर्किएको छ । नागरिकहरूले यसलाई ‘दुईवटा मापदण्ड’ (double standard) भन्दै सरकारको निर्णयप्रति प्रश्न उठाएका छन् ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
