नेपाली कांग्रेसका नेता कृष्णप्रसाद सिटौलाले पार्टीले संसद् पुनर्स्थापनाको मागलाई प्रमुख मुद्दा बनाउनुपर्ने धारणा राखेका छन्।
शुक्रबार सानेपास्थित कांग्रेस केन्द्रीय कार्यालयमा बसेको कार्यसम्पादन समितिको बैठकमा सिटौलाले संसद् विघटन संविधानअनुसार नभएको भन्दै त्यसलाई असंवैधानिक ठहर गर्ने पार्टीको निष्कर्षपछि पुनर्स्थापनाको मागलाई अगाडि बढाउनुपर्ने बताएका हुन्।
“संसद् विघटन संविधान अनुसार छैन। पार्टीले यसलाई असंवैधानिक भनेको अवस्थामा संसद् पुनर्स्थापना कांग्रेसको प्रमुख माग हुनुपर्छ,” उनले बैठकमा भने।
बैठकले पछिल्लो राजनीतिक घटनाक्रमबारे अन्य दलहरूसँग संवाद गर्ने निर्णय पनि गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
