राष्ट्रपति रामचन्द्र पौडेलले आज बिहान शीतल निवासमा जेनजी आन्दोलनका प्रतिनिधिहरूसँग छलफल गर्ने भएका छन्। बिहान ९ बजे सुरु हुने उक्त भेटमा प्रधानमन्त्री सुशीला कार्की पनि सहभागी हुने बताइएको छ।
राष्ट्रपतिका प्रेस सल्लाहकार किरण पोखरेलका अनुसार छलफलको उद्देश्य हाल चलिरहेको जेनजी आन्दोलनका मागहरू सुन्ने र आगामी राजनीतिक दिशा र सम्भावित समाधानबारे विचार साझा गर्ने हो। शीतल निवास स्रोतका अनुसार राष्ट्रपति पौडेलले आन्दोलनकारी युवाहरूका धारणा प्रत्यक्ष रूपमा सुन्न चाहेका हुन्।
शुक्रबार मात्रै राष्ट्रपति पौडेलले अन्तरिम सरकारका सदस्य र विभिन्न राजनीतिक दलका शीर्ष नेतासँग निर्वाचन र शान्ति प्रक्रियाबारे सर्वदलीय छलफल गरेका थिए। त्यसको भोलिपल्टै उनले जेनजी प्रतिनिधिसँग संवादको तयारी गरेकोले आजको भेटलाई राजनीतिक रूपमा अर्थपूर्ण मानिएको छ।
शीतल निवासमा हुने यो भेटमा हालका असन्तुष्टि, आन्दोलनका कारण र सरकारसँग संवादका सम्भावनाबारे खुला कुराकानी हुने अपेक्षा गरिएको छ। राजनीतिक स्थिरता र सहमतिको वातावरण बनाउन राष्ट्रपतिले पछिल्ला दिनमा संवाद केन्द्रित पहलहरू तीव्र बनाएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
