रोल्वालिङ हिमश्रृङ्खलामा सोमबार बिहान गएको हिमपहिरोमा परी घाइते भएका पाँच जनालाई हेलिकोप्टरमार्फत उद्धार गरिएको छ। उद्धार गरिएका पाँचमध्ये दुई विदेशी र तीन नेपाली नागरिक रहेका छन् भने सात जना अझै बेपत्ता छन्।
प्रमुख जिल्ला अधिकारी नारायणप्रसाद रिसालका अनुसार, उद्धार गरिएका पाँच जनालाई यलुङरी हिमालको आधार शिविरबाट सुरक्षित बाहिर निकालिएको छ। हिमपहिरोबाट जोगिएका थप तीन नेपाली पथप्रदर्शकलाई ना गाउँमा सुरक्षित राखिएको छ र केहीबेरमा उनीहरूको उद्धार गरिने बताइएको छ।
हिमपहिरो डोल्मा खाङ र यलुङरी हिमाल आरोहणका लागि आएका दुई ट्राभल कम्पनीका १५ आरोही टेन्ट टाँगेको स्थानमा खसेको थियो। यस घटनामा एक विदेशीसहित तीन जनाको मृत्यु भएको छ। बेपत्ता व्यक्तिहरूको अवस्था अझै अज्ञात रहेको प्रमुख जिल्ला अधिकारी रिसालले जानकारी दिनुभयो।
उद्धार कार्यमा नेपाली सेना र सुरक्षाकर्मीको टोली सक्रिय रुपमा ना गाउँ पुगेको प्रहरीले जनाएको छ। उद्धार प्रयास जारी रहेका कारण बेपत्ता सातजनाको खोजी र उद्दारमा थप समय लाग्न सक्ने प्रजिअले बताएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
