नेपाली कांग्रेसका महामन्त्री गगन थापाले पार्टीभित्र ठूलो सुधार र शुद्धीकरण आवश्यक रहेको बताएका छन्। सामाजिक सञ्जालमार्फत उनले नेपाली कांग्रेस स्थापनाकालदेखि समाज रुपान्तरणका लागि गरेको संघर्षमाथि उठेका प्रश्नलाई दृष्टिगत गर्दै पार्टीभित्र पुनःजागरण र सुधारको आवश्यकता औँल्याएका हुन्।
थापाले भने, “अब हामी बोलेर मात्र हुँदैन, ठूलो सुधार चाहिएको छ। त्यो सुधार पार्टीभित्र हुन्छ। पार्टी भित्र के गर्छौँ, के गर्दैनौँ, शुद्धीकरण कसरी गर्छौँ, पुनःजागरण कसरी गर्छौँ? शुद्ध र जागरित पार्टीले सरकारका काममा कसरी सुधार ल्याउँछ?”
उनले जेनजी आन्दोलनमार्फत युवाहरूले पार्टीको मूल्य–मान्यता अनुरुप व्यवहार नभएको भनी उठाएका प्रश्नलाई पनि स्वीकार्दै अब अविधेशनबाट नयाँ संकल्प र योजनाहरू बनाउनुपर्ने बताए।
थापाले विगतका गल्ती स्वीकार्दै भने, “हिजो हामीले पनि कमजोरी गरेका थियौँ। अब नगर्ने के छ? भ्रष्टाचारबाट समाज र संस्थालाई अलग कसरी गर्छौँ? यी विषयमा हामीले अविधेशनबाट योजना र संकल्प बनाउनुपर्छ।”
महामन्त्री थापाले नेपाली कांग्रेस पावससँग जोडिएको पार्टी नभएको समेत औँल्याए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
