नेपाली कांग्रेसको संस्थापन पक्षले नियमित महाधिवेशनका लागि दबाब दिन काठमाडौंको बत्तिसपुतलीस्थित अनुपम फुडल्याण्डमा भेला गरेको छ।
भक्तपुर जिल्ला सभापति दुर्लभ थापाको अध्यक्षतामा शुरु भएको भेलामा विभिन्न जिल्लाका सभापति र नेता सहभागी भएका छन्। कोशी प्रदेश सभापति उद्धव थापा, महामन्त्री भेपेन्द्र राई, मुगुका ऐन बहादुर शाही, म्याग्दीका खम बहादुर खर्बुजा, ओखलढुंगाका तेजेन्द्र खनाल र अछामका पुष्प बहादुर शाहलगायतका नेताहरूको उपस्थिति देखिएको छ। सहभागीहरूको आगमन क्रम अझै जारी छ।
पार्टीभित्र हाल महाधिवेशनको मिति र स्वरूपबारे मतभेद बढ्दै गएको छ। महामन्त्रीद्वय गगन थापा र विश्वप्रकास शर्माले पुसमा विशेष वा नियमित महाधिवेशनको माग गरिरहेका छन्, भने संस्थापन पक्षले बैशाखमा नियमित महाधिवेशन नै गर्नुपर्ने अडान लिएको छ।
यसै विवादका कारण कांग्रेसको केन्द्रीय समिति बैठक लगातार निष्कर्षविहीन बन्दै आएको छ। अनुपम फुडल्याण्डको भेला संस्थापन पक्षले आफ्नो एकता र शक्ति देखाउने प्रयासका रूपमा हेरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
