जल तथा मौसम विज्ञान विभागका अनुसार आज देशका अधिकांश भागमा मौसम सफा रहने अनुमान गरिएको छ । विभागले हाल देशभर कुनै उल्लेखनीय मौसम प्रणाली सक्रिय नरहेकाले सामान्य मौसमी स्थिति रहने जनाएको हो ।
कोशी र गण्डकी प्रदेशका पहाडी तथा हिमाली क्षेत्रमा आंशिक बदली देखिने सम्भावना छ । त्यस्तै ती प्रदेशका उच्च भागका एक–दुई स्थानमा हल्का वर्षा वा हिमपात हुन सक्ने विभागले बताएको छ ।
तर, बाँकी प्रदेशका अधिकांश भूभागमा मौसम मुख्यतः सफा रहने पूर्वानुमान गरिएको छ । विभागका अनुसार देशभर बिहानदेखि बेलुकीसम्म हावा र तापक्रम सामान्य दायरामा रहनेछ ।
