आफ्ना माग पुरा नभएको भन्दै भेण्डर, मेलम्ची बाढी पीडित र अन्य सरोकारसमितिहरूले मेलम्ची खानेपानी काठमाडौँ पथान्तरण बन्द गरेका छन्।
मेलम्ची खानेपानी आयोजना अन्तर्गतको मुहान क्षेत्र बिहीबारदेखि बन्द गरिएको हो। मेलम्ची खानेपानी विकास समितिका कार्यकारी निर्देशक जगरनाथ दासका अनुसार, ‘गतवर्ष तत्कालीन खानेपानीमन्त्री प्रदीप यादवसँग भएको सम्झौता कार्यान्वयनको माग गर्दै स्थानीयले मुहान बन्द गरेका छन्। यसपछि काठमाडौँमा मेलम्चीको पानी पूर्ण रूपमा रोकिएको छ।’
सिन्धुपाल्चोक र काभ्रेका चारवटा सरोकार समितिले पनि केही समयअघि काठमाडौँको पानीपोखरीस्थित मेलम्ची कार्यालयमा तालाबन्दी गरेका थिए। कार्यकारी निर्देशक दासले आपूर्ति पुनः सुरु गर्ने विषयमा आन्दोलनरत पक्षसँग वार्ता हुँदैछ र निकास निकाल्ने प्रयास भइरहेको बताए।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
