हुम्लाको पिपलमुडातर्फ विद्युत् पोल ढुवानी गर्दै गरेको ट्याक्टर दुर्घटनामा परि चालकको मृत्यु भएको छ भने एक जना घाइते भएका छन्।
बाजुराबाट सबस्टेसन जडानका लागि पोल बोक्दै आएको लु ५ त १२३७ नम्बरको ट्याक्टर सोमबार राति मुगुको सोरु गाउँपालिकाको केन्द्रतर्फ जाँदै गर्दा दुर्घटनामा परेको हो।
प्रहरीका अनुसार बाजुरा गौमुल गाउँपालिका–३ का २४ वर्षीय सुरेश रोकायाले चलाएको ट्याक्टर उकालोमा ‘ब्रेक फेल’ भई करिब ७०० मिटर तल खस्दा रोकायाको घटनास्थलमै मृत्यु भएको हो।
सोही दुर्घटनामा सवार हुम्ला अदानचुली–२ का २८ वर्षीय रेशम भण्डारी गम्भीर घाइते भएका छन्। घाइते भण्डारीलाई तत्काल उद्धार गरी उपचारका लागि जिल्ला अस्पताल मुगु पुर्याइएको प्रहरीले जनाएको छ।
विद्युत् सबस्टेसनका लागि पोल ढुवानीका क्रममा भएको उक्त दुर्घटनाले स्थानीय क्षेत्रमा जनधनको जोखिमबारे चिन्ता बढाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
