यातायात व्यवस्था विभागले आफ्नो अनलाइन सेवा प्रणाली पूर्ण रूपमा बन्द भएको घोषणा गरेको छ। मीनभवनस्थित विभागको डेटा सेन्टरमा निरन्तर प्राविधिक समस्या उत्पन्न भएपछि इ–ड्राइभिङ लाइसेन्स तथा applydlnew.dotm.gov.np मा आधारित सबै सेवा अनिश्चितकालका लागि रोकिएको विभागले जानकारी दिएको हो।
गत कात्तिक १६ गतेदेखि आंशिक रूपमा मात्र चलिरहेको प्रणाली अहिले पूर्ण रूपमा बन्द भएपछि अनलाइन मार्फत हुने लाइसेन्स आवेदन, नवीकरण, श्रेणी थप तथा अन्य सम्बद्ध सेवा प्रभावित भएका छन्। विभागका अनुसार समस्या समाधान नभएसम्म सेवा पुनः सुचारु हुने अवस्था छैन।
प्रणाली बन्द हुँदा दैनिक रूपमा अनलाइन सेवामा भर पर्ने हजारौँ सर्वसाधारण प्रभावित भएका छन्। विभागले सेवा पुनः सञ्चालन हुनेबित्तिकै अर्को सूचना जारी गर्ने जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
