नेपाल आयल निगमले पेट्रोलियम पदार्थको मूल्य वृद्धि गरेको छ। भारतीय आयल कर्पोरेसन (आईओसी) बाट मूल्य वृद्धिको जानकारी आएपछि निगमले पेट्रोल, डिजेल र मट्टितेलको मूल्य समायोजन गरेको हो।
निगमका अनुसार पेट्रोल प्रतिलिटर २ रुपैयाँ बढेर पहिलो वर्गका शहरहरू—चारआली, विराटनगर, जनकपुर, अमलेखगञ्ज, भलबारी, नेपालगञ्ज, धनगढी र वीरगञ्जमा १५८.५० रुपैयाँ पुगेको छ। डिजेल र मट्टितेलको मूल्य प्रतिलिटर ३ रुपैयाँ बढेर १४४.५० रुपैयाँ कायम गरिएको छ।
दोस्रो वर्गका शहर—सुर्खेत र दाङमा पेट्रोल १६० र डिजेल–मट्टितेल १४६ रुपैयाँ पुगेको छ। तेस्रो वर्गका काठमाडौँ, पोखरा र दिपायलमा पेट्रोल १६१ र डिजेल–मट्टितेल १४७ रुपैयाँ कायम गरिएको छ।
ग्यासको मूल्य भने यथावत राखिएको निगमले जनाएको छ। नयाँ मूल्य शनिबार मध्यरातिबाट लागू हुनेछ।
