मधेश प्रदेशका मुख्यमन्त्री सरोजकुमार यादवको नियुक्ति विवादमा सर्वोच्च अदालतमा आज सुनुवाइ हुने भएको छ। न्यायाधीश तिलप्रसाद श्रेष्ठ र नृपध्वज निरौलाको संयुक्त इजलासले रिटमाथि सुनुवाइ गर्दै यादवको नियुक्ति र सपथ रोक्न अन्तरिम आदेश दिने वा नदिने निर्णय गर्नेछ।
एमाले संसदीय दलका नेता यादवको नेतृत्वमा मधेस सरकार गठन भएको थियो। तत्कालिन प्रदेश प्रमुख सुमित्रा भण्डारीले बद्रीबासस्थित होटलमा बोलाएर यादवलाई शपथ खुवाएपछि मधेश प्रदेशका ७४ सांसदले सर्वोच्चमा रिट दर्ता गरेका थिए।
मधेश प्रदेशमा एमाले बाहेकका सात दलले सरकार गठन प्रक्रिया दुई वा बढी दलको समर्थनमा हुनुपर्ने माग गर्दै विरोध जारी राखेका छन्। यस सुनुवाइले प्रदेश सरकारको नेतृत्व विवादमा स्पष्ट दिशा दिने अपेक्षा गरिएको छ।
