नेपाल राष्ट्र बैंकले उपदान तथा पेन्सन कोषमा रहेको करिब तीन अर्ब ५३ करोड रुपैयाँ बैंक तथा वित्तीय संस्थामा लगानी गर्न लागेको छ।
केन्द्रीय बैंकले इच्छुक बैंक र वित्तीय संस्थालाई मङ्गलबार साँझ ७ बजेभित्र आवेदन दिन सूचना जारी गरेको छ। आवेदनमा आफूले चाहेको रकम र प्रस्ताव गरिएको ब्याजदर उल्लेख गर्नुपर्नेछ।
राष्ट्र बैंकले उक्त रकम एक वर्षका लागि लगानी गर्ने योजना बनाएको छ। यस अनुसार, वाणिज्य बैंकमा दुई अर्ब ८२ करोड ४० लाख, विकास बैंकमा ५२ करोड ९५ लाख र वित्त कम्पनीमा १७ करोड ६५ लाख रुपैयाँ लगानी हुनेछ।
आवेदन दिने बैंक र वित्तीय संस्थाले सञ्चालनमा कम्तीमा दुई वर्ष पुरा गरेको, न्यूनतम कूल पुँजी कायम गरेको, कुल कर्जा सापटीको आठ प्रतिशत र खुद निष्क्रिय कर्जा अनुपात तीन प्रतिशत नाघेको नहुने लगायतका सर्त पूरा गर्नुपर्ने राष्ट्र बैंकले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
