श्रीलङ्कामा सम्पन्न दृष्टिविहीन महिला टी–२० विश्वकप २०२५ मा उपविजेता बनेको नेपाली महिला टिमलाई प्रधानमन्त्री सुशीला कार्कीले औपचारिक शुभकामना व्यक्त गर्नुभएको छ। आइतबार कोलोम्बोको पी सारा ओभल मैदानमा भएको फाइनलमा नेपाल भारतसँग सात विकेटले पराजित भएको थियो।
फाइनलमा हार व्यहोर्याए पनि टिमको जुझारोपन र प्रदर्शनप्रति प्रधानमन्त्री कार्कीले गहिरो सम्मान प्रकट गर्दै सामाजिक सञ्जालमार्फत लेख्नुभएको छ, “दृष्टिविहीन महिला टी–२० विश्वकपमा सहभागी भएर उपविजेता बन्नु सम्पूर्ण राष्ट्रका लागि गर्वको विषय हो। फरक शारीरिक अवस्था र दैनिक कठिनाइका बीच पनि विश्वस्तरमा नेपालको सान उचो बनाएको टोलीलाई हार्दिक बधाई छ।”
यस प्रतियोगितामा लगातार प्रभावशाली खेल प्रस्तुत गर्दै फाइनलसम्मको यात्रा तय गरेको नेपाली टोलीले देशको नाम उज्यालो बनाएको भन्दै खेलकुद क्षेत्रका विज्ञ तथा समर्थकहरूले पनि प्रशंसा गरेका छन्।
