पाकिस्तानका पूर्व प्रधानमन्त्री इमरान खान जेलभित्र रहेका २१ दिनदेखि परिवारसँग सम्पर्कबाहिर छन्। उनी पञ्जाब प्रान्तको अदियाला जेलमा राखिएका छन्। यद्यपि, जेलभित्रै हत्या भएको हल्ला फैलिएको भए पनि यसको स्वतन्त्र पुष्टि अहिलेसम्म भएको छैन।
अन्तर्राष्ट्रिय सञ्चारमाध्यमका समाचार अनुसार, इमरानसँग तीन हप्तादेखि उनका परिवारका सदस्य भेट्न पाएका छैनन्। उनकी तीन जना बहिनीहरूले पञ्जाब प्रहरीका उच्च अधिकारीलाई जानकारी गराए पनि भेटको अनुमति पाउन सकेका छैनन्। अदालतमार्फत वकिलसहित भेट्न अनुमति माग्दा पनि परिवारलाई आफ्ना भाइसँग भेट्न नदिइएको बताइएको छ।
जेल प्रशासनले इमरानको स्वास्थ्यबारे पनि कुनै जानकारी उपलब्ध गराएको छैन। यसबीच जेलबाहिर उनका समर्थकहरूले ठूलो संख्यामा प्रदर्शन गर्दै धर्ना दिएका छन्। समर्थकहरूले प्रहरीको कडा दमनप्रति गुनासो गरेका छन्।
इमरान खान सन् २०२३ देखि जेलमा छन्। उनीमाथि नेसनल एकाउन्टिबिलिटी ब्युरोले अल कादिर ट्रस्ट मामिलामा भ्रष्टाचारको आरोप लगाएको थियो। यसै वर्ष अदालतले उनलाई १४ वर्षको जेल सजाय सुनाएको छ।
यस घटनाले पाकिस्तानको राजनीतिक स्थिति र पूर्व प्रधानमन्त्रीको सुरक्षा अवस्थाबारे व्यापक चासो बढाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
