नेपाल प्रिमियर लिग (एनपीएल) सिजन–२ मा पोखरा एभेन्जर्सले बलियो प्रदर्शन गर्दै लुम्बिनी लायन्सलाई १५१ रनको लक्ष्य दिएको छ। कीर्तिपुरस्थित टीयु मैदानमा टस हारेर पहिले ब्याटिङ गरेको पोखराले २० ओभरमा ५ विकेट गुमाउँदै १५० रन जोड्यो।
पोखराको इनिङ्सको मेरुदण्ड ओपनर एडम वासिङटन र शक्तिशाली अलराउन्डर जिम्मी निशम बने। प्रारम्भिक चार विकेट ३३ रनमै गुमाएको अवस्थामा एडम र निशमले पारी सम्हाल्दै टिमलाई प्रतिस्पर्धात्मक स्कोरसम्म पुर्याए।
एडमले ६३ बलमा ८१ रनको दमदार पारी खेले। उनका चौका–छक्का मिलाएर बनाएका प्रहारले पोखरालाई खेलमा फर्कायो। त्यस्तै, निशमले सन्तुलित तर प्रभावशाली ब्याटिङ गर्दै ३२ बलमा अविजित ५१ रन बनाए।
अन्य ब्याटरहरूमा दिनेश खरेलले ७ रन जोडे भने कप्तान कुशल भुर्तेल र सुमित वर्मा दुवै बिना रन फर्किए। तिर्थ दास १ रनमा आउट भए। किरणकुमार ठगुन्ना १ रनमा अविजित रहे।
लुम्बिनीका तर्फबाट शेर मल्ल र तिलक भण्डारीले समान २–२ विकेट लिए। गुल्ददिन नाइभले एक विकेट टिपे।
अब लुम्बिनीले १५१ रनको लक्ष्य पछ्याउँदै मैदान उत्रनेछ। खेलले दुवै टिमका प्लेअफ यात्रा कता मोडिन्छ भन्ने निर्धारण गर्ने सम्भावना छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
