राष्ट्रपति रामचन्द्र पौडेलसँग नेपालस्थित चिनियाँ राजदूत छन् सोङले शिष्टाचार बिदाइ भेट गर्नुभएको छ । राष्ट्रपति कार्यालयमा सम्पन्न उक्त भेटवार्तामा नेपाल–चीनबीच रहँदै आएको द्विपक्षीय सम्बन्ध, आपसी हित तथा साझा चासोका विषयमा छलफल भएको छ ।
राष्ट्रपति कार्यालयका प्रवक्ता प्रदीपकुमार कोइरालाका अनुसार भेटका क्रममा दुई देशबीचको मैत्रीपूर्ण सम्बन्धलाई थप सुदृढ बनाउने विषयमा कुराकानी भएको थियो । नेपाल र चीनबीच ऐतिहासिक रूपमा विकसित सम्बन्ध, सहकार्य र पारस्परिक समझदारीलाई निरन्तरता दिने विषयमा समेत ध्यानाकर्षण गरिएको बताइएको छ ।
बिदाइ भेटका अवसरमा राष्ट्रपति पौडेलले राजदूत छन् सोङले आफ्नो कार्यकाल सफलतापूर्वक सम्पन्न गरेकोमा धन्यवाद व्यक्त गर्नुभएको छ । साथै, उहाँले नेपाल–चीन सम्बन्धलाई अघि बढाउन राजदूतले पुर्याएको योगदानको कदरसमेत गर्नुभएको जनाइएको छ ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
