आज देशभर पश्चिमी वायूको आंशिक प्रभाव रहने मौसम पूर्वानुमान महाशाखाले जनाएको छ। तराईका अधिकांश स्थानमा दिनभर हुस्सु र कुहिरो लाग्ने सम्भावना छ।
महाशाखाका अनुसार दिउँसो तराई भू–भागमा हुस्सु रहनेछ। गण्डकी, कर्णाली र सुदूरपश्चिम प्रदेशमा आंशिक बदली रहने अनुमान गरिएको छ। लुम्बिनी प्रदेशको पहाडी भू–भागमा पनि आंशिक बदली रहनेछ भने बाँकी पहाडी र हिमाली क्षेत्रमा मौसम प्रायः सफा रहनेछ।
आज राति पनि तराईका धेरै स्थानमा हुस्सु रहनेछ। गण्डकी र कर्णाली प्रदेशका पहाडी तथा हिमाली भू–भागमा आंशिक बदली रहनेछ भने अन्य पहाडी र हिमाली क्षेत्रमा मौसम सामान्यतया सफा रहने महाशाखाले जनाएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
