झापा, १२ माघ । झापा निर्वाचन क्षेत्र नं. ५ मा राष्ट्रिय स्वतन्त्र पार्टी (रास्वपा) ले आफ्नो चुनावी अभियानलाई तीव्र पारेको छ। यसै क्रममा सोमबार बिहान दमक–९ मा आयोजित घरदैलो कार्यक्रम उत्साहजनक रूपमा सम्पन्न भएको छ भने दिउँसो कमल गाउँपालिकामा कार्यक्रम तय गरिएको छ।
दमक–९ स्थित उराव बस्तीबाट सोमबार बिहान ८ बजे सुरु भएको घरदैलो तथा मतदाता भेटघाट कार्यक्रममा स्थानीयको बाक्लो उपस्थिति रहेको थियो। पाणिनि स्कुल, देवसिंह टोल, नौभाइ चोक र बुद्ध चोक हुँदै परिक्रमा गरेको र्याली पुनः उराव बस्तीमै पुगेर ११ बजे समापन भएको थियो।
कार्यक्रमका क्रममा रास्वपाका नेताहरूले मतदातासँग प्रत्यक्ष संवाद गर्दै उनीहरूका समस्या र सुझावहरू सङ्कलन गरेका थिए। मतदाताको सक्रिय सहभागिताले अभियानलाई थप ऊर्जा मिलेको पार्टीको चुनाव प्रचार–प्रसार सचिवालयले जनाएको छ।
दिउँसो कमल गाउँपालिकामा घरदैलो
रास्वपाले आजै दिउँसो ३ बजेदेखि कमल गाउँपालिका–५ मा पनि घरदैलो अभियान सञ्चालन गर्ने भएको छ। पाडाजुगी चोकबाट सुरु हुने उक्त कार्यक्रम गुह्येश्वरी टोल, टुक्रे, सशस्त्र चेकपोस्ट, पाथीभरा टोल र अम्बिका चोक हुँदै मङ्गलवारे बजारमा पुगेर समापन गरिने कार्यपालिका रहेको छ। उक्त कार्यक्रममा पनि पार्टीका नेताहरू तथा प्रचार–प्रसार सचिवालयको नेतृत्व रहने जनाइएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
