प्रतिनिधिसभा निर्वाचन नजिकिँदै गर्दा झापा क्षेत्र नम्बर ५ राष्ट्रिय राजनीतिमा विशेष चासोको केन्द्र बनेको छ। ‘भावी प्रधानमन्त्री’का रूपमा प्रस्तुत गरिएका दुई प्रभावशाली नेताहरू एउटै निर्वाचन क्षेत्रमा आमनेसामने भएपछि यहाँको राजनीतिक प्रतिस्पर्धा थप चर्किएको हो।
झापा–५ मा कूल १ लाख ६३ हजार ३७९ जना मतदाता रहेका छन्। यस क्षेत्रमा पूर्वप्रधानमन्त्री तथा नेकपा एमालेका अध्यक्ष केपी शर्मा ओली उम्मेदवार बनेका छन् भने राष्ट्रिय स्वतन्त्र पार्टीका वरिष्ठ नेता बालेन्द्र (बालेन) शाह पनि यही क्षेत्रबाट निर्वाचन प्रतिस्पर्धामा उत्रिएका छन्।
एमालेले ओलीलाई पुनः ‘भावी प्रधानमन्त्री’का रूपमा अघि सार्दै चुनावी अभियान तीव्र बनाएको छ। उता, रास्वपाले पनि बालेनलाई ‘भावी प्रधानमन्त्री’को दाबेदारका रूपमा प्रस्तुत गर्दै चुनावी मैदानमा उतारेको छ। दुई सम्भावित प्रधानमन्त्री उम्मेदवार एउटै क्षेत्रमा प्रतिस्पर्धामा उत्रिएपछि झापा–५ को राजनीतिक माहोल थप तातिएको छ।
भौगोलिक रूपमा झापा–५ मा कमल गाउँपालिकाका ७ वडा, गौरादह नगरपालिकाका ८ वडा, गौरीगञ्ज गाउँपालिकाका ४ वडा तथा दमक नगरपालिकाका १० वडा समावेश छन्। ठूलो मतदाता संख्या र उच्च राजनीतिक दाउपेचका कारण यो क्षेत्र निर्वाचनको निर्णायक र चर्चित केन्द्रका रूपमा हेरिएको छ
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
