राष्ट्रिय स्वतन्त्र पार्टी (रास्वपा) का सभापति रवि लामिछाने ले भारतीय राजदूत नवीन श्रीवास्तव सँग भेटवार्ता गरेका छन्।
लामिछाने मंगलबार काठमाडौं जिल्ला अदालत मा तारेख बुझेर सोझै बत्तिसपुतलीस्थित होटल द्वारिका पुगेका थिए। त्यहाँ उनले राजदूत श्रीवास्तवसँग भेट गरेका हुन्।
भेटपछि उनी साँझ साढे ५ बजे बाहिरिएको बताइएको छ। फागुन २१ गतेको निर्वाचन नजिकिँदै गएको अवस्था र लामिछानेमाथि अदालतमा विचाराधीन सम्पत्ति शुद्धिकरण तथा संगठित ठगीसम्बन्धी मुद्दाको सन्दर्भमा भएको यो भेटलाई अर्थपूर्ण रूपमा हेरिएको छ।
भारतीय राजदूतसँगको भेटपछि लामिछाने त्रिभुवन अन्तर्राष्ट्रिय विमानस्थल हुँदै धनगढी प्रस्थान गरेका थिए। रास्वपाले आज धनगढीमा सभा आयोजना गरेको छ।
