रौतहट जिल्ला अदालत ले कर्फ्यु आदेशका कारण आजका लागि सम्पूर्ण कामकारबाही स्थगित गरेको जनाएको छ।
जिल्ला प्रशासन कार्यालय रौतहट, गौरले अर्को आदेश नभएसम्म गौर नगरपालिका क्षेत्रमा आवतजावत, भेला, सभा, जुलुस तथा प्रदर्शनमा रोक लगाउँदै अनिश्चितकालीन कर्फ्यु जारी गरेपछि अदालतको सेवा प्रभावित भएको हो।
अदालतले सूचना जारी गर्दै आज प्रदान गरिने सबै सेवा स्थगित रहने तथा तारिख र म्यादसमेत नगुज्रिने जानकारी दिएको छ।
फागुन ७ गतेदेखि भड्किएको हिंसापछि रौतहटको सदरमुकाम गौरमा अनिश्चितकालीन कर्फ्यु जारी गरिएको छ।
