नेकपा एमालेका अध्यक्ष केपी शर्मा ओलीले राष्ट्रको सुरक्षालाई ध्यानमा राख्दै भोलेन्टियर फोर्स गठन गरिएको बताएका छन्। दमकमा आयोजित कार्यक्रममा बोल्दै उनले ‘नेसनल भोलेन्टियर फोर्स’ केवल चुनावका लागि मात्र नभई दीर्घकालीन रूपमा राष्ट्रको सुरक्षाका लागि तयार गरिएको स्पष्ट पारे।
अध्यक्ष ओलीले आफ्नो पार्टी शान्तिपूर्ण राजनीति र स्थायित्वको पक्षमा रहेको उल्लेख गरे। आन्दोलनको नाममा विगतमा जस्तै देश जलाउने वा प्रहरीको हतियार खोस्ने गतिविधि अब सह्य नहुने उनको दाबी थियो।
उनका अनुसार नेसनल भोलेन्टियर फोर्स राष्ट्रको हितमा समर्पित रहनेछ र आवश्यक पर्दा प्रहरी प्रशासनलाई सहयोग गर्नेछ। उनले एमाले शान्तिपूर्ण निर्वाचनका लागि प्रतिबद्ध रहेको बताउँदै मतदाताले स्वतन्त्र रूपमा मतदान गर्न पाउनुपर्ने बताए।
कार्यक्रमलाई सम्बोधन गर्दै ओलीले नेकपा एमालेले कोशी प्रदेशस्तरीय नेशनल युथ फोर्स पनि गठन गरेको जानकारी दिए। साथै, देशभरका जिल्लाका सदरमुकामहरू सडक सञ्जालमा जोडिसकिएको दाबी समेत गरे।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
