सार्वजनिक खरिद अनुगमन कार्यालयले सात निर्माण कम्पनीलाई कालोसूचीमा राखेको छ। कार्यालयले आज सूचना जारी गर्दै विभिन्न निकायबाट सिफारिस भई आएका आधारमा ती कम्पनीमाथि यस्तो निर्णय गरिएको जनाएको हो।
कार्यालयका अनुसार जिम्मा लिएको काम तोकिएको समयमा पूरा नगरेपछि ती कम्पनीलाई कारबाही गरिएको हो। सार्वजनिक खरिद ऐन २०६३ को दफा ६३ को उपदफा (१) अनुसार उनीहरूलाई कालोसूचीमा समावेश गरिएको सूचनामा उल्लेख छ।
कालोसूचीमा परेका निर्माण कम्पनीलाई ६ महिनादेखि १ वर्षसम्मको अवधिका लागि प्रतिबन्ध लगाइएको छ।
यस अवधिभर ती निर्माण कम्पनीले कुनै पनि सार्वजनिक निकायको खरिद प्रक्रिया वा ठेक्का सम्बन्धी कारबाहीमा सहभागी हुन पाउने छैनन्।
कार्यालयले सार्वजनिक खरिद ऐनअनुसार तोकिएको मापदण्ड पूरा नगर्ने र सम्झौता अनुसार काम सम्पन्न नगर्ने कम्पनीमाथि आवश्यक कारबाही गरिने स्पष्ट गरेको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
वोर्ल्ड इन्फो गोल्बल द्वारा संचालित
प्रधान कार्यालयः लन्डन , युके
© 2026, All right reserved to Nepali | WorldInfoNews
Visit Global Website at WorldInfonews.com
