फागुन २१ गते हुने निर्वाचनलाई स्वच्छ, निष्पक्ष र सुरक्षित वातावरणमा सम्पन्न गर्न निर्वाचन आयोगले ठूलो संख्यामा सुरक्षाकर्मी र कर्मचारी परिचालन गरेको छ।
आयोगका अनुसार निर्वाचनको सुरक्षा र मतदान व्यवस्थापनका लागि सुरक्षा निकाय र निजामती कर्मचारी गरी साढे पाँच लाख जनशक्ति परिचालन हुने भएको छ।
निर्वाचनको सुरक्षा घेरा मजबुत बनाउन सरकारले एकीकृत सुरक्षा योजना अन्तर्गत चारवटै सुरक्षा निकायलाई सक्रिय बनाउने भएको छ। निर्वाचनमा नेपाली सेना ७९ हजार ७२७, नेपाल प्रहरी ७५ हजार ७९७, सशस्त्र प्रहरी ३४ हजार ५६७, राष्ट्रिय अनुसन्धान विभाग ३ हजार २१ र निर्वाचन प्रहरी १ लाख ४९ हजार ९० जना परिचालन हुनेछन्। त्यस्तै २ लाख १५ हजार कर्मचारी परिचालन हुने आयोगले जनाएको छ।
यस पटक सुरक्षालाई थप सुदृढ बनाउन १ लाख ४९ हजार ९० जना निर्वाचन प्रहरीलाई जिम्मेवारी दिइएको छ। सुरक्षा निकायको ठूलो उपस्थितिले मतदातालाई सुरक्षित महसुस गराउने र निर्वाचन विरोधी गतिविधि नियन्त्रण गर्ने विश्वास आयोगले लिएको छ।
प्रशासनिक व्यवस्थापनका लागि २ लाख १५ हजार कर्मचारी देशभरका मतदान केन्द्रमा खटिनेछन्। उनीहरूले मतदान प्रक्रियाको नेतृत्व गर्ने, मतदाता परिचयपत्र वितरण गर्ने र मतपेटिकाको सुरक्षा सुनिश्चित गर्नेछन्। आयोगले सबै सुरक्षा निकाय र कर्मचारीलाई समयमै कार्यक्षेत्रमा पुग्न निर्देशन दिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
