मध्यपूर्वमा विकसित परिस्थितिलाई ध्यानमा राख्दै परराष्ट्र मन्त्रालयले सञ्चालनमा ल्याएको पोर्टललाई खाडी क्षेत्रका विभिन्न नेपाली दूतावासले प्रचारप्रसार र समन्वय गरेका छन्।
नेपाली दूतावास रियादले नेपालीको नाम दर्ताका लागि पोर्टल सञ्चालनमा ल्याइएको जानकारी दिँदै आवश्यक सूचना उपलब्ध गराउन नेपाली श्रमिकलाई आग्रह गरेको छ।
दूतावासका अनुसार नेपाली नागरिकको अवस्थासम्बन्धी जानकारी संकलन र आवश्यक कारबाहीका लागि उक्त पोर्टल सञ्चालनमा ल्याइएको हो। परराष्ट्र मन्त्रालयले तयार पारेको सो पोर्टलमार्फत साउदी अरेबिया र यमनमा रहेका नेपालीबारे सूचना संकलन गरिनेछ।
यसैबीच विभिन्न राजनीतिक दलसम्बद्ध प्रवासी संघसंस्थाले पनि नेपालीलाई सहयोग गर्न विभिन्न सम्पर्क व्यक्ति तोकेको जनाएका छन्।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
प्रतिक्रिया
सम्बन्धित खवर
